Elections, Ethiopian style By Felix Horne Horn of Africa researcher at Human Rights Watch

This is what an election campaign looks like in Ethiopia, where the ruling coalition took 99.6 percent of parliamentary seats in the last national elections, in 2010.
Jirata, who asked that his real name not be used, is a 19-year-old student who was campaigning for a legally registered opposition party recently, when security officials arrested him.
They told him that he was working for a “terrorist group” that sought to forcibly bring down the government. He was badly beaten over the course of three nights and released on the condition that he end his involvement in politics. He is still limping from his injuries, and he told me he no longer has any interest in getting involved in politics. He says he will vote for the government party “because life is easier that way”.

Ethiopia: Journalism under anti-terrorism law
Jirata was working for an Oromo party, representing an ethnic group long targeted by the government. But as Ethiopians go to the polls in late May, the prospects for opposition parties to fully and fairly campaign are grim.
Since the last election, the ruling party has only exerted more control and increased its widespread repression of basic liberties, including the rights to free expression, assembly, and association.
The courts provide no justice in cases of political importance. While election day is unpredictable, it’s clear that the avenues by which opposition parties can fully function and citizens can engage on political issues are largely closed.
While there are 75 registered opposition groups, several of the largest parties have talked of boycotting the elections because of flawed electoral processes. Challenges with registering candidates, acquiring the funds they are legally entitled to, mobilising their supporters, and keeping their members out of prison have taken their toll.
In short, there is limited space for government critics to play a peaceful and constructive role.

Suppression of non-governmental voices
The Ethiopian media provides little coverage of relevant political issues ahead of the election since what vestiges of independent media existed have largely been eliminated since 2010.
Reporters critical of the government are regularly harassed, threatened and detained. In 2014 alone, over 30 journalists fled Ethiopia and at least six publications were closed down.
Sources providing information to media and human rights groups are regularly targeted. Many diaspora media websites, while heavily politicised, remain blocked in Ethiopia. Journalists must choose between self-censorship, harassment, imprisonment, and exile.
The situation hasn’t been much better for opposition parties that want to organise peaceful protests and rallies ahead of the election. The Semayawi party (Blue Party), for example, is one of the newcomers in Ethiopia’s electoral landscape, and since 2013 has tried to hold regular and peaceful issue-based protests.
Protesters and organisers have frequently been arrested and harassed, their equipment has been confiscated, and permits unfairly denied. One of their leaders is on trial on trumped-up terrorism charges.
The lone opposition parliament member is not running this time due to a split in his party, the Union of Democracy and Justice, in which Ethiopia’s national electoral board played favourites. The net effect is that the government awarded the party name to an offshoot of the party that is more closely aligned to government policies and interests.

No dissent allowed
There are few ways for Ethiopians to peacefully express dissent or to contribute to the national political dialogue. Dissent of any type, particularly in rural areas, is dealt with harshly. The long-standing 5:1 system of grassroots surveillance – under which one individual is responsible for monitoring the activities of five households – has let local officials clamp down on dissent before it spreads beyond the household level. Telephone surveillance is commonplace, and the ongoing trial of a group of bloggers called Zone 9 has resulted in increased self-censorship online.
In short, there is limited space for government critics to play a peaceful and constructive role. The only international observers to the election will be the African Union. The European Union is not sending observers, noting that Ethiopia has not implemented recommendations by previous election observers. As Human Rights Watch documented after the 2010 elections, those who complain about election irregularities risk arrest and harassment.
“If we have an issue with government where do we go?” an Ethiopian who lives in a rural area recently told me, summing it up: “There is no media that will write our story, there are no more organisations that work on issues that the government does not like, if we take to the streets we are arrested, and if we go to their office to question we are called terrorists. If we go to the courts, there is no independence – we go to jail. There are no large opposition parties to vote for in the election, and even if there were, if we vote for them our lives then become very difficult. So what can we do? The elections are just another sign of our repression.”
Felix Horne is a Horn of Africa researcher at Human Rights Watch.
The views expressed in this article are the author’s own and do not necessarily reflect Al Jazeera’s editorial policy.

Advertisements

በሁመራ አከባቢ ህወሀት እስከአሁን ከአንድ መቶ በላይ ኢትዮጵያውያንን ገድሏል

የቀድሞዋ የጎንደሬዎች ከተማ ሁመራ አሁን ደግሞ የጎንደሬዎች መቀበሪያዋ የጅምላ መጨፍጨፊያዋ ሁመራ በየቀኑ የወገን የድረሱልን የሰቆቃ ድምፅ ይሰማል ሁኖም ግን ሰሚ ጀሮን አላገኘም ።
ሕዝባዊ ወያነ ሓርነት ትግራይ በሰሜን ጎንደር ምዕራባዊ ክፍል ከአማረኛ ተናጋሪ ኢትዮጵያዊ የፀዳ ክልል ለመፍጠር ከ40 ዓመታት በላይ የሰራበት ቢሆን እንዳሁኑ ለይቶለት አያውቅም ቀደም ሲል በወልቃይት በጠገዴ በትግል በበረሃ እያሉ ጀምረው ነዋሪዎችን ሌሊት ሌሊት ከቤታቸው እያፈኑ የደረሱበት ሳይታወቅ የቀሩ አያሌ ወገኖች ነበሩ ።አሁን ደግሞ

በሁመራ አከባቢ ህወሀት ኢትዮጵያውያን እየረሸነ እንደሆነ የሚያጋልጥ.  መረጃወረን የሰጠው አብሮ የነበረ ወጣት ሕይወቱ በተዓምር የተረፈ የአይን ምስክር ነው ።። በሶስት ጥይቶች ተመትቶ በተአምር አምልጦ ወደ ኤርትራ የገባው አንድ ወጣት እንደገለጸው የህወሀት ሰራዊት ከመተማና ከሌሎች የጎንደር አከባቢዎች ተቃዋሚ የሚላቸውን እያፈነ ወደ ሁመራ በመውሰድ በውድቅት ሌሊት በመረሸን ላይ ነው። እስከአሁን ከአንድ መቶ በላይ ኢትዮጵያውያን ሳይረሸኑ አይቀርም።
_መተማ ዛሬ በውጥረት ውላለች። የ300አባወራዎችን ቤቶች ለማፍረስ የመጣው የመንግስት ሃይል ከነዋሪው ጋር ተጋጭቶ እስከአሁን ሁለት ሰዎች ተገድለዋል። ውጥረቱ ቀጥሏል።
_ጎንደር ሸዲ የሚገኘው የአምባሰል የጥጥ መጋዘን በደፈጣ ተዋጊ ሃይሎች ጥቃት ወድሟል። ከ600 ሺህ ኩንታል በላይ ጥጥ በእሳት ጋይቷል። አምባሰል የኢፈርት(የትግራይ መልሶ ማቋቋም ድርጅት) ንብረት ነው።
_በመከላከያ ሰራዊት ውስጥ ያለው ምሬትና አለመተማመን ተባብሷል። በማዕከላዊ እዝ ሰሞኑን በተረገ ግምገማ ከአንድ ክፍለ ጦር 1ሺህ ወታደሮች ጠፍተዋል። አንድ ብርጌድ ጦር ማለት ነው………

የቁልቁለቱን ጉዞ እናስቁም፤ ውርደት ይብቃን !!!

pg7-logoየህወሓት አገዛዝ ፋሽስታዊ ባህርያት እያደር መረን እያጣ፤ ነውረኛ እየሆነ መጥቷል። በአሳለፍነው ሣምንት ብቻ እንኳን አስነዋሪ ይዘት ያላቸው ሁለት ፋሽስታዊ ክስተቶችን አስተውለናል።

አንዱ በምርመራ ስም በታሳሪዎች ላይ የሚደረገው አሳፋሪ ሰቆቃ ነው። በገላቸው በሚያፌዙና በሚሳለቁ ተቃራኒ ፆታ መርማሪዎች ፊት ለሰዓታት ተመርማሪዎች ራቁታቸውን እንዲሆኑ የሚደረግበት እና እየተፌዘባቸው የሚደበደቡበት ሥርዓት መኖሩ የጉዳቱ ሰለባዎች ይፋ ሲያወጡ እፍረቱ ለመርማሪዎቹ ብቻ ሳይሆን ይህንን ጉድ ተሸክመን ለኖርነው ኢትዮጵያዊያን ሁሉ ነው። በተለይም ደግሞ እንዲህ ዓይነት ክብረነክ ሰቆቃ በሴቶች ላይ እየተፈፀመ መሆኑን ስንሰማ አገራዊ ውርደቱ ያሸማቅቀናል። እንዲህ ዓይነቶችን በሰው ስቃይና እፍረት የሚዝናኑ ጉዶችን ተሸክመን የምኖር መሆናችን ሁላችንን ያዋርደናል። ይህንን አስነዋሪ “የምርመራ ዘዴ” ያጋለጡት የዞን 9 ብሎገሮች፣ ጋዜጠኞችና ፓለቲከኞች ክብርና ሞገስ የሚገባቸው ጀግኖች ሲሆኑ የተዋረዱት እነሱ ሳይሆኑ እኛ ኢትዮጵያዊያን መሆናችን ሊሰማንና “ውርደት በቃ” ልንል ይገባናል።

ሁለተኛው አሳፋሪ ድርጊት ደግሞ ወገኖቻችንን በግፍ ባረደው አይሲስ በተሰኘው አሸባሪ ድርጅት ላይ የህወሓት አገዛዝ የተለሳለሰ አቋም ወስዷል ብለው ራሱ ህወሓት በጠራው ሰልፍ ላይ ተቃውሞዓቸውን ባሰሙ ወጣቶች ላይ አገዛዙ የወሰደው የኃይል እርምጃና ከዚያም ወዲህ እየተደረገ ያለው ነገር ነው። አገዛዙ ለፕሮፖጋንዳው ይጠቅመኛል ብሎ በጠራው ሰልፍ ወጥተው ተቃውሞዓቸውን የገለፁ ወጣቶች በአሰቃቂ ሁኔታ ተደብድበዋል፤ በጅምላ ወደ እስር ቤቶች ተግዘዋል። የአገዛዙ ካድሬዎች ወገኖቻችንን የፈጀውን አይሲስን በመቃወም ፋንታ የራሱ የህወሓትን ውል አልባ ህግ አክብረው በመንቀሳቀስ ላይ ያሉትን ሰማያዊ ፓርቲ፣ ኢትዮጵያዊያን ሙስሊሞችን እና አረና ፓርቲን እየወነጀሉ መሆኑ አጅግ አሳፋሪ ነገር ነው። የአይሲስን አረመኔአዊ ድርጊት ከኢትዮጵያዊያን ሙስሊሞች የመብት ጥያቄ ጋር ለማገናኘት በህወሓት የደህንነት ቢሮ አማካይነት እንቅስቃሴ መጀመሩ እየተሰማ ነው። ለወጣቱ በብዛት መሰደድ በምክንያትነት የሚያቀርቡት ደላሎችን መሆኑ አላዋቂነት ሳይሆን በተገኘው አጋጣሚ ሁሉ ቅራኔው በኢትዮጵያዊያን መካከል እርስ በርስ እንዲሆን ያለመ መሠሪነት ነው። ከዚህም አልፎ የትግራይ ወጣቶችን ነጥሎ በመሰብሰብ “ትምክህተኞች ሊበሉህ ነውና ታጥቀህ ሳይቀድሙህ ቅደም” እያሉ መቀስቀስ በመንግሥት ደረጃ የእርስ በርስ እልቂትን ከማደራጀት ተለይቶ አይታይም። የሥርዓቱ ይሉኝታ ቢስነት የደረሰበት ዝቅጠት ገላጭ ከሆኑ ነገሮች አንዱ “እስከምርጫ መጨረሻ ድረስ ልጆቻችሁን አስረን እናቆይላችሁ” እያሉ ወላጆችን እስከመጠየቅ መድፈራቸው ነው።

ከላይ በአጭሩ የተዘረዘሩት ኩነቶች የሚያረጋግጡት ህወሓት የተማከለ አመራር አጥተው መንገድ የጠፋቸው፤ ሆኖም ግን እጃቸው ውስጥ የገባው ስልጣንና ሀብት ላለማጣት ምንም ነገር ከማድረግ የማይመለሱ አውሬዎች ስብስብ መሆኑ ነው። እንዲህ ዓይነቱን የአውሬዎች ስብስብ የሚገዛው የህግም ሆነ የሥነ-ምግባር ገደብ የለም። ህወሓት እስር በርሳችንን አባልቶ አገራችንንና ሕዝቧን ወደ ማንወጣው አዘቅት ከመክተቱ በፊት ራሱ ህወሓትን ማስወገድ እና በምትኩት ፍትህ፣ ነፃነት፣ ዲሞክራሲና እኩልነት የሰፈነባት ኢትዮጵያን መገንባት የዚህ ትውልድ ኃላፊነት ነው። ይህ ካላደረግን አሁን በወህኒ ቤቶች የሚደረገው ዜጎችን ልብስን አስወልቆ የማዋረድ አስነዋሪ ተግባር ነገ በአደባባዮች የማይደረግ ስለመሆኑ ምንም ማረጋገጫ የለንም። ይህ ትውልድ ኃላፊነቱ ካልተወጣ ህግን አክብረው ከአገዛዙ የተለየ ሀሳብ እናራምዳለን የሚሉ ወገኖቻችን በሙሉ አደጋ ውስጥ ናቸው። በህወሓት መሠሪ ተግባራት ሳቢያ በክርስትናና እስልምና እምነት ተከታይ ኢትዮጵያዊያን መካከል ያለው መግባባት እንዲሻክር እየተደረገ ነው። ዜጎችን በማዋረድ የሚደሰት አገዛዝና ለመዋረድ የፈቀደ ሕዝብ እስካለ ድረስ የቁልቁለቱ ጉዞ መጨረሻ የለውም። ይህንን ማስቆም ያለብን እኛ ሁላንችንም ነን። በአደባባይ መደራጀት ሲከለከል በምስጢር መደራጀትን መልመድ የኛ ኃላፊነት ነው። የኢትዮጵያ አርበኞች ድል መታሰቢያ በዓልን ስናከብር ከቀደምቶቻችን ልንወርስ ከሚገቡን እሴቶች አንዱ ለክብራችን ዋጋ መክፈል ያለብን መሆኑን ጭምር ነው። የኢትዮጵያዊያን ክብር በወያኔ ሲዋረድ እያየን ዝምታን ከመረጥን ከዚህም የባሰ እንዲመጣ መፍቀዳችንን እንወቀው።

አርበኞች ግንቦት 7:የአንድነትና የዲሞክራሲ ንቅናቄ የዜጎችና የአገር ውርደት ይብቃ! በተባበረ ክንድ ህወሓት ይወገድ፤ በምትኩም ፍትህ፣ ነፃነት፣ ዲሞክራሲና እኩልነት የሰፈነባት ኢትዮጵያን ለመመሥረት መሠረት እንጣል፤ ይህንን ታላቅ ኃላፊነት ለመወጣት በኅብረት እንነሳ ይላል።

ፍ/ቤቱ በ‹‹በሁከትና ብጥብጥ›› ለተጠረጠሩ 17 ሰዎች ዋስትና ሲፈቅድ፣ በሰማያዊ አባላት ላይ ተጨማሪ ቀጠሮ ሰጥቶባቸዋል

7 May 2015
47776b918f60714b042707a1fb44b846_L

በነገረ ኢትዮጵያ ሪፖርተር

ሚያዝያ 14 ቀን 2007 ዓ.ም መንግስት አይ.ኤስ.አይ.ኤስ ሊቢያ በሚገኙ ንጹሃን ኢትዮጵያውያን ላይ የፈጸመውን አሰቃቂ የሽብር ድርጊት ለማውገዝ ጠርቶት በነበረው ሰልፍ ላይ ‹‹ሁከትና ብጥብጥ አስነስታችኋል፤ ተካፍላችኋልም›› በሚል ፖሊስ ካሰራቸው ሰዎች መካከል ፍርድ ቤት 17ቱን በ3000 ብር የሰው ዋስ እንዲለቀቁ ሲወስን የሰማያዊ ፓርቲ አባላት ላይ ደግሞ ተጨማሪ ቀጠሮ ሰጥቷል፡፡
ዛሬ ሚያዝያ 28 ቀን 2007 ዓ.ም በቄራ የፌደራል የመጀመሪያ ደረጃ ፍርድ ቤት የቀረቡ የሰማያዊ ፓርቲ አባላትና ሌሎች በዕለቱ የተያዙ ሰዎችን በተመለከተ ፖሊስ ተጠርጣሪዎችን በሦስት መዝገቦች ስር እንደየተሳትፏቸው አደራጅቻለሁ ማለቱ የሚታወስ ሲሆን፣ ከአሁን በፊት በሦስተኛው መዝገብ ላይ የተካተቱትን ሙሉ ለሙሉ መልቀቁን መግለጹ ይታወቃል፡፡ በሁለተኛው መዝገብ ላይ የተካተቱት 17 ሰዎች ደግሞ ዛሬ ፍርድ ቤት ቀርበው በዋስ እንዲወጡ ተወስኗል፡፡
አንደኛው መዝገብ ላይ በእነ ወይንሸት ሞላ መዝገብ 5 ሰዎች የተካተቱ ሲሆን አራቱ የሰማያዊ ፓርቲ አባላት የሆኑት ወይንሸት ሞላ፣ ዳንኤል ተስፋዬ፣ ኤርሚያስ ጸጋየ እና ማስተዋል ፈቃዱ ናቸው፡፡ በዚሁ መዝገብ ላይ ፖሊስ የፓርቲው አባል እንደሆነች የሚገልጸው፣ እሷ ግን አባል አለመሆኗን የገለጸች ቤተልሄም አቃለወርቅ ተካትታለች፡፡ በዚሁ በአንደኛው መዝገብ ላይ የተካተቱት 5ቱም ተጠርጣሪዎች ዛሬ በዋለው ችሎት ተጨማሪ 3 ቀናት ቀጠሮ ተሰጥቶባቸዋል፡፡
5ቱም ተጠርጣሪዎች ፖሊስ እስካሁን የተሰጠው የምርመራ ጊዜ በቂ መሆኑንና ቋሚ አድራሻ ያላቸው መሆኑን በመግለጽ የዋስትና መብታቸው እንዲከበር ፍርድ ቤቱን የጠየቁ ሲሆን፣ ፖሊስ በበኩሉ ተጠርጣሪዎች ምስክሮችን ያሸሹብናል፣ ያስፈራሩብናል በሚል ዋስትናውን ተቃውሟል፡፡ ፖሊስ ዋስትና ሲቃወም ‹‹ተጨማሪ አባላትን መያዝ ይቀረናል›› ሲል የገለጸ ሲሆን፣ ‹አባላት› ሲል ምን ለማለት እንደፈለገ ለፍርድ ቤቱ ግልጽ አላደረገም፡፡
በሌላ በኩል አሁን የነገረ ኢትዮጵያ ምንጮች እንደገለጹት ጠዋት ፍርድ ቤት የ3000 ብር የሰው ዋስ የፈቀደላቸው 17 ሰዎች በፖሊስ ይግባኝ እንደተጠየቀባቸውና በአሁኑ ሰዓት ወደ ፍርድ ቤት መወሰዳቸው ታውቋል፡፡

[በዚህ ሳምንት የተማርናቸው ሦስት ነገሮች] 1ኛ) ቶርቸርን እስከ መቼ “ጆሮ ዳባ ልበስ” እንለዋለን? – 2ኛ) የጦስ ዶሮ ለእርድ እየቀረበ ስለ ላባው መሟገት – 3ኛ) ወጣትነትን የሚበላውን የኢትዮጵያ ፖለቲካ በብርቱካን ልደት እናስብ

1ኛ) ቶርቸርን እስከ መቼ “ጆሮ ዳባ ልበስ” እንለዋለን?

እ.ኤ.አ. በ2008 ዓ.ም የጆርጅ ታውን ዩኒቨርሲቲ የፖለቲካ ሳይንስ ፕሮፌሰር የኾኑት ጀምስ ራይመንድ ቭሪላንድ በቶርቸር ጉዳይ የተለመደ አስተሳሰባችንን የሚፈታተን አንድ ጥናታዊ ጽሑፍ አሳትመው ነበር። በርካቶች ለፖለቲካ ፓርቲዎች እና ለገልለተኛ ፕሬስ ምንም ቦታ የሌላቸው አምባገነኖች ለይስሙላም ቢኾን የፓርቲ ፉክክር እና ምርጫን ከሚፈቅዱ አምባገነኖች በተለየ የከፉ ቶርቸር ፈጻሚዎች ናቸው ብለው ያስባሉ። የፕሮፌሰሩ ጽሑፍ ይህን አስተሳሰብ የሚመታ ነው። በጽሑፋቸው ተቃዋሚ ፓርቲዎች እንዲኖሩ የሚፈቅዱ እና የይስሙላ ምርጫ የሚያካሂዱ አምባገነን መንግሥታት (electoral dictatorships) ከሌሎች አምባገነን መንግሥታት የበለጠ ቶርቸር እንደሚፈጽሙ በጠንካራ ዴታ ላይ ተመሥርተው ያሳያሉ። ሁሉም አምባገነኖች ቶርቸር ይፈጽማሉ፤ የምርጫ አምባገነኖች ግን የበለጠ ይፈጽማሉ። ይህ ለምን ይኾን?
edom Jpurnalist
ፕሮፌሰሩ እንደሚሉት ተቃዋሚ ፓርቲዎች ባሉባቸው አምባገነኖች የኩብለላ አደጋ (threat of defection) ተቃዋሚ ከሌለባቸው አምባገነኖች የላቀ ነው። ይህን አደጋ ለመቀነስ የምርጫ አምባገነኖች የተለያዩ ስልቶችን እና መሣርያዎችን ይጠቀማሉ። ከስልቶቹ መካከል አንዱ የኩብለላን ዋጋ እጅግ ከፍተኛ ማድረግ ነው። ለዚህ ደግሞ ቶርቸር ከዋነኛ መሣርያዎች አንዱ ነው። ይኹንና የምርጫ አምባገነኖች ቶርቸርን የመደበቅ እና የማዳፈን አቅማቸው የፓርቲ ውድድር ከሌለባቸው አምባገነኖች የተሻለ ነው። ለዚህ የተለያዩ ምክንያቶች አሉ። የምርጫ አምባገነኖች ዓለምአቀፍ ጸረ-ቶርቸር ሕጎችን ለመፈረም አያቅማሙም። በዚህ ምክንያት ብዙዎች እነዚህ አምባገነኖች ቶርቸር ላለማድረግ የቆረጡ መስለው ይታይዋቸዋል። እነዚህ አገሮች የሚፈጥሯቸው የይስሙላ ዴሞክራሲያዊ ተቋማት የሚሰጧቸው የዴሞክራሲያዊነት ድባብ ለአምባገነኖቹ አዎንታዊ አመለካከት (positive perception) ያላብሷቸዋል። ይህ አመለካከት እንደ ቶርቸር ያለ ክፉኛ ጥቃት አይፈጽሙም ተብሎ እንዲታመን ያደርጋል። መንግሥታቱ ይህን መሰሉን የማሰቃየት ተግባር ፈጽመዋል ተብለው ሲከሰሱ የመጀመርያ መስመር መከላከያቸው የይስሙላ ተቋማት መኖራቸውን መጥቀስ ነው። ይህ የሙግቱን መድረክ ያጨቀየዋል። አንዳንድ ጊዜ ራሳቸው የቶርቸር አጣሪ ኮሚሽኖችን በመፍጠር ተጠያቂነት ያለባቸው ለማስመሰል ይሞክራሉ። “የተሻሉ አምባገነኖች” የሚለው ስማቸው ቶርቸር አልፈጸምንም ብለው ሲከራከሩ ሙግታቸው እንዲደመጥ ዕድል ይፈጥርላቸዋል። ከግብጽ አብዮት በኋላ እንደተመለከትነው በእነዚህ ዐይነት አገራት የሚፈጸመው የቶርቸር መጠን እና ስፋት በደንብ የሚታወቀው ሥርዐቶቹ ከፈራረሱ በኋላ በሚደረጉ ምርመራዎች እና ጥናቶች ነው።

ባለፈው ሳምንት የዞን ዘጠኝ ታሳሪዎች ላይ የደረሰው ቶርቸር በታሳሪዎቹ በራሳቸው ተጋልጧል። ለኢትዮጵያ ሰብአዊ መብት ኮሚሽን በታሳሪዎቹ ከገባው አቤቱታ መካከል በተለይ በሁለቱ ሴት ታሳሪዎች ላይ የደረሰው ኢ-ሰብአዊ ድርጊት እና ግፍ ሲያስቡት ያጥወለውላል። ማሕሌት እና ኤዶም ራቁታቸውን በመርማሪዎቻቸው ፊት እንዲቆሙ ተደርገዋል፤ ክብራቸው እና ሰብእናቸውም ተደፍሯል፤ እንደዚህ ዐይነት ቶርቸር እ.ኤ.አ በ1930ዎቹ በጀርመን “verschärfte vernehmung” በሚል ስም የተፈጠረ ነው። ዓላማው በሰውነት የአካል ክፍል ላይ ምንም ዐይነት ጠባሳ ሳይታይ እስረኛን ማሰቃየት ነው። እስረኞች ቶርቸር ተደርገናል ብለው ጠባሳቸውን እንደ ማስረጃ እንዳያሳዩ ያደርጋል። የኢትዮጵያ መንግሥት ከዚህ በፊት ወይዘሪት ብርቱካን ሚደቅሳን፣ ርዕዮት ዓለሙን እና እስክንድር ነጋን ጨምሮ በበርካታ የፖለቲካ ተቀናቃኞቹ ላይ እንዲህ ዐይነት ዝምተኛ ቶርቸር ፈጽሟል። እነዚህ ሰለባዎች ከእስር ቤት የሰቆቃ ድምጻቸውን ሊያሰሙላቸው የሚችሉ ደጋፊዎች እና ወዳጆች ያሏቸው ባለ ከፍተኛ ስም (high profile) ታሳሪዎች ናቸው። ባለፉት ዐሥር ዓመታት በተለያዩ የሰብአዊ መብት ተሟጋች ድርጅቶች የወጡ ዳጎስ ያሉ ሪፖርቶች እንደሚያሳዩት በሺሕዎች የሚቆጠሩ ኢትዮጵያውያን (በኦጋዴን፣ በኦሮምያ፣ በአማራ ክልል፣ በአዲስ አበባ ወረዳ ስምንት ቶርቸር ቻምበር) ጠባሳ ለመደበቅ ሙከራ ያልተደረገባቸው ስቃዮች ተፈጽሞባቸዋል። እነዚህ እንግዲህ በአጥኚዎች ምርመራ የታወቁ ናቸው፤ ያልታወቁትን ቤት ይቁጠራቸው።

ይህ ሁሉ ኾኖ ግን የኢትዮጵያ መንግሥት ልክ እንደ ሙባረክ መንግሥት ሁሉ የቶርቸር ዲፕሎማሲን ያሸነፈ ይመስላል። የመንግሥቱ ስም ከቶርቸር ጋር የሚነሳበት አጋጣሚ እጅግ ውሱን ነው። አገር ውስጥም ቢኾን የኢትዮጵያ መንግሥት ስለሚጨፈልቃቸው የተለያዩ ሕገ መንግሥታዊ መብቶች የፖለቲካ ውዝግብ ቢኖርም በአገሪቱ እየተደረገ ያለው መጠነ ሰፊ የማሰቃየት ተግባር ግን በሚገባው መጠን ሲወሳ እና የክርክር እና የሙግት ማዕከል ሲኾን አይታይም። የቶርቸር የፖለቲካ ጉልህነት (political salience) አለማግኘት ለኢትዮጵያ መንግሥት ጠቅሞታል፤ ምክንያቱም መንግሥት ጥሷቸዋል ተብለው በተደጋጋሚ ከሚጠቀሱት መብቶች በላይ ቶርቸር የፖለቲካ ጎራውን እና ጨዋን ኅብረተሰብ በሙሉ የሚያስቆጣ እና የሚያጥወለውል በመኾኑ ቅንጅት ያለበት ተቃውሞን የማፋፋም ዕድሉ ከፍ ያለ ነው። ከዞን ዘጠኝ፣ ከእነ እስክንድር ነጋ እና ከአጠቃላዩ የፖለቲካ እስረኛ የሚመጡትን የሰቆቃ ድምጾች ጆሯችንን ከፍተን እናድምጥ።
Yilikal
2ኛ) የጦስ ዶሮ ለእርድ እየቀረበ ስለ ላባው መሟገት

የሰማያዊ ፓርቲ ሊቀመንበር አቶ ይልቃል ጌትነት ኢንተርቪው ሲሰጡ እና ንግግር ሲያደርጉ ብዙ ጊዜ ሶሻል ሚዲያ ይታመሳል። በተለይ በተቺዎቻቸው ዘንድ ጥልቅ አሉታዊ ስሜትን ይቀሰቅሳሉ። “የአዲሲቲቱን ኢትዮጵያ ኹኔታ ያልተረዱ አክራሪ ኢትዮጵያዊ ብሔርተኛ፣ የአሮጌው ሥርዓት ናፋቂ፣ የፖለቲካ እና የፖሊሲ እውቀት የሌላቸው፣ የተቃዋሚ ፓርቲዎችን አይዲዮሎጂ እና የፖለቲካ ስልት ወደ 1980ዎቹ የሚመልሱ” ወዘተ የሚባሉ ክሶች ይሰነዘሩባቸዋል። በዚህ ሳምንት ሊቀመንበሩ በአሜሪካ የኢትዮጵያውን ስብሰባ ላይ ያደረጉት ንግግር ከተሠራጨ በኋላ እርሳቸው እና ፓርቲው እነዚህን ትችቶች እንደ አዲስ አስተናግደዋል። በተመሳሳይ ወቅት የኢትዮጵያ መንግሥት ፓርቲው ላይ ከፍተኛ ጥቃት ሊፈጽም እንደተዘጋጀ የሚጠቁም መጠነ ሰፊ ፕሮፖጋንዳ የመንግሥት ሚዲያን በመጠቀም እያፋፋመ ነው። የኢትዮጵያ መንግሥት ፓርቲው ባለፈው ሳምንት በመስቀል አደባባይ በአይሲስ የተገደሉ ኢትዮጵያውያንን ለማሰብ በተጠራው የሕዝብ ስበሰባ ላይ “የተቃውሞ ጩኸት አቀነባብሯል፣ ኹከት ለመፍጠር ሞክሯል” ሲል ይወነጅለዋል። በቅርብ ጊዜ በርካታ የፓርቲው አባላት የመንግሥት ዱላ አርፎባቸዋል። የእነዚህ ሁለት ክስተቶች ግንኙነት መረዳት ስለ ሰማያዊ ፓርቲ ብቻ ሳይኾን በአምባገነን አገሮች ስለሚደረጉ በፓርቲ ዙርያ ስለተደራጁ የፖለቲካ እንቅስቃሴዎች ጥሩ ግንዛቤ ይሰጠናል።

አምባገነን መንግሥታትን የሚያጠኑ የፖለቲካ ሳይንቲስቶች የተቃውሞ ፓርቲ ፖለቲካን በተመለከተ የሚያነሱት አንድ እንቆቅልሽ አለ፤ ምርጫን በሚያደርጉ አንዳንድ አምባገነን መንግሥታት ተቃዋሚ ፓርቲዎች ምርጫን የማሸነፍ መጠነኛ የኾነ ዕድል አላቸው። እነዚህ የፉክክር አምባገነናዊ ሥርዐቶች (competitive authoritarianism) ይባላሉ። ከእነዚህ ሥርዐቶች ውጪ ግን በሌሎች የምርጫ አምባገነን መንግሥታት ተቃዋሚዎች ምርጫን የማሸነፍ ዕድላቸው ወደ ዜሮ ይጠጋል። ይህን ፓርቲዎቹም ያውቁታል፤ ደጋፊዎቻቸውም ይገነዘቡታል፤ ሌላውም ሕዝብ ይረዳዋል። ነገር ግን እነዚህ ፓርቲዎች በየጊዜው ለምርጫ ይሳተፋሉ፤ ከዚያ ጋር ተያይዞ አባሎቻቸው ላይ የሚደርሰውን ጥቃት ይቀበላሉ። እንቆቅልሹ ይህ ነው፡- የፖለቲካ ፓርቲዎች የፖለቲካው መድረክ አመክኗዊ ተዋናይ (rational actor) ከኾኑ እንዲህ ዐይነት ኹኔታ ሲያጋጥማቸው እንደ ከሰረ ቢዝነስ ለምን ራሳቸውን አይዘጉም? ወይም መጀመርያውኑ ለምን ይፈጠራሉ?

ይህን ለመመለስ ብዙ ቲዎሪዎች ተነድፈዋል፤ ብዙ ኢምፔሪካል ምርመራዎች ተደርገዋል። ከእነዚህ ጥናቶች ውስጥ የወርቅ ደረጃ ካገኙት አንዱ ኬኔት ግሪን በላቲን አሜሪካ አምባገነን መንግሥታት ላይ ያደረጓቸው ጥናቶች ናቸው። እንደ ግሪን በእንደዚህ ዐይነት አምባገነን መንግሥታት የሚፈጠሩ ፓርቲዎች ዋነኛ ባሕርያቸው ሐሳብ ገላጭነት (expressive) ነው። ሐሳብ ገላጭ ፓርቲዎች በምርጫ የማሸነፍ ዕድል ባይኖራቸው እንኳ የፓርቲውን አባላት ጥልቅ ተቃውሞ በፖለቲካ መድረኮች ለማሳየት ይኖራሉ። ሐሳብ ገላጭ ፓርቲዎች በአምባገነን አገራት ብቻ ሳይኾን በዴሞክራሲያዊ አገራትም ይመሠረታሉ። ለምሳሌ በአሜሪካ ሊበሪቴርያን እና ግሪን ፓርቲዎች ምርጫን እንደማያሸንፉ ቢያውቁም ምርጫን ጨምሮ በተለያዩ የፖለቲካ መድረኮች ሲሳተፉ ረዥም ጊዜ አስቆጥረዋል። በአምባገነን መንግሥታት ወደ ተቃውሞ የፓርቲ ፖለቲካ መምጣት ከፍተኛ ዋጋ ያስከፍላል። ግሪን እንደሚሉን እና በሌሎች ጥናቶች እንደተረጋገጠው የአይዲዮሎጂ ጽናት እና ታማኝነት ያላቸው ሰዎች ከሌሎች በበለጠ ይህን ዋጋ ለመክፈል ዝግጁ ናቸው። ወደ ፖለቲካው መድረክ መጥተው የሚገነቧቸው ፓርቲዎች የአይዲዮሎጂ ፍጹማዊነት (ideological purism) ይታይባቸዋል። በተጨማሪም እንደዚህ ዐይነት የአይዲዮሎጂ ጽናት እና ፍጹምነት ከመንግሥት የሚመጣ ጥቃትን ለመከላከል ይጠቅማል። መሀል ሰፋሪዎች ጫናን አለመቋቋም ብቻ ሳይኾን ለመንግሥት ማባበያዎች የመንበርከክ ዕድላቸው ከፍ ያለ ነው። ስለዚህ በአምባገነን ሥርዐት የምናገኛቸው ፓርቲዎች በአብዛኛው የአይዲዮሎጂ ፍጹማዊነት የሚታይባቸው ናቸው። ይህን አንዳንድ ጊዜ በተቃዋሚ ፖለቲካ ፓርቲዎች መካከል ስትራቴጂካዊ መተባበር እንዳይኖር ያደርጋል። ይኹንና ለእነዚህ ፓርቲዎች መኖር ከፍተኛ አስተዋጽዖ አለው። አቶ ይልቃልም ይኹኑ ፓርቲያቸው ለመሀል ሰፋሪ (median voter) የሚመች አይዲኦሎጂ እና ፖሊሲ ባያመጡ ሊገርመን አይገባም። የአምባገነንነት ተጨባጭ ኹኔታዎች ውጤት ነው። ግሪን እንደሚያሳዩን በተለያዩ ምክንያቶች አምባገነን መንግሥታት እየተዳከሙ መጥተው ወደተፎካካሪ አምባገነናዊነት ወይም ዴሞክራሲያዊ ሥርዐት ከተቀየሩ የእነዚህ ፓርቲዎች ባሕርይም ይለወጣል። አይዲዮሎጂያዊ ፍጹማዊነታቸውም ይቀንሳል። የፖለቲካ ተሳትፎ ዋጋ (cost of participation) ሲቀንስ ብዙ የመሀል ሰፋሪዎች እነዚህን ፓርቲዎች ስለሚቀላለቀሉ የፓርቲዎቹ አቋም ይለዝባል። በተጨማሪም ፓርቲዎቹ በምርጫ ለማሸነፍ ሲሉ ፍጹማዊ ፖሊሲዎቻቸውን እና አይዲዮሎጂያቸውን ያረግባሉ፤ ያለሰልሳሉ፤ ከሐሳብ ገላጭነት ወደ ምርጫ ፓርቲነት (electoral party) ይሸጋገራሉ።

ይህ ከኾነ ከእነ ሰማያዊ ፓርቲ ዐይነት ቡድኖች ጋር “ጽንፈኝትህን ቀንስ አትቀንስ፣ ፖሊሲህ አይረባም ይረባል” ብሎ መነታረክ ነጥብ ዐልባ እና ጉንጭ አልፋ ይኾናል። መጀመርያውኑ እንደ ፓርቲ እንዲፈጠሩ ያደረጋቸው፤ በኋላም የመቆየት ዕድላቸውን ያሰፋው እና ዕድሜያቸውን የሚያራዝመው የአይዲዮሎጂ ጽናታቸው ነው። በሥርዐቱ ውስጥ የሚንቀሳቀሱ የተቃዋሚ ፓርቲዎችን እንደ ሐሳብ ገላጭ ፓርቲ ከተመለከትናቸው የሚያስጨንቀን ለመሀል ሰፋሪ የሚማርክ ፖሊሲ እና አይዲዮሎጂ ይዘው መምጣታቸው ሳይኾን የሚደርስባቸው የመብት ጥሰት እና እንግልት ይኾናል። ከአቶ ይልቃል ጌትነት ንግግር ይልቅ አሳሳቢው የኢትዮጵያ መንግሥት ለእርሳቸው እና ለፓርቲ ባልደረቦቻቸው የሳለው ቢላዋ ነው።
birtukan-mideksa
3ኛ) ወጣትነትን የሚበላውን የኢትዮጵያ ፖለቲካ በብርቱካን ልደት እናስብ

በኢትዮጵያ ተቃውሞ ፖለቲካ ኅየንተ ክብር ያገኙት ወይዘሪት ብርቱካን ሚደቅሳ በዚህ ሳምንት 41ኛ የልደት በዐላቸውን አክብረዋል። በብርቱካን የፖለቲካ ሕይወት መነጽር ኢትዮጵያ ለስለስ ካለ አምባገነንነት ወደ ሙሉ አምባገነንት ያደረገችውን ሽግግር ልንቃኘው እንችላልን። እርሳቸው በ26ዓመታቸው ለጸረ ሙስና አጀንዳ የፓርላማ ተወዳዳሪ ኾነው ወደ ፖለቲካ ብቅ ሲሉ የኢትዮ-ኤርትራ ጦርነት እየተጠናቀቀ ነበር። በጦርነት ወቅት የታየው ትብብር ለወደፊቱ የዴሞክራሲያዊ እና የባልንጀሬነት መሠረት ይኾናል ብለው የገመቱ በርካቶች ነበሩ። በዚያ ምርጫ የኢትዮጵያ ዴሞክራሲያዊ ፓርቲ (ኢዴፓ) “አዲስ አበባን ነጻ እናውጣ!” በሚል መፈክር ስር ተንቀሳቅሶ ማሸነፍ ባይሳካለትም በየወረዳው ገዢውን ፓርቲ ተገዳድሮ ነበር። ከብዙዎቹ የሽንፈት ምክንያቶች መካከል ዋነኛው በተቃዋሚ ፓርቲዎች መካከል የተፈጠረው የድምጽ መከፋፈል ነበር።

ወይዘሪት ብርቱካን 27ኛ ዓመት የልደት በዐላቸውን ሲያከብሩ በኢሕአዴግ ውስጥ ክፍፍል ተነስቶ በጠቅላይ ሚኒስትር መለስ ዜናዊ አሸናፊነት ተጠናቀቀ። አቶ መለስ ተሸናፊን ቡድን ወደ ኋላ የሚያይ እና ራሳቸውን ደግሞ ወደፊት የሚመለከቱ፤ በኢትዮጵያ ዴሞክራሲን እና ካፒታሊዝምን የሚያጸኑ አድርገው አቀረቡ። በክፍፍሉ ተሸንፈው ለእስር የተዳረጉት አቶ ስዬ አብርሃን በመፍታት ወይዘሪት ብርቱካን ብሔራዊ ትኩረት አገኙ። በተለይ በአዲስ አበባ በወቅቱ የተቀሰቀሰው ኹከት ለበርካታ ወጣቶች መታሰር እና መሞት ምክንያት ቢኾንም የአቶ መለስ ቃል ኪዳን ላይ ተመሥርተው መጪውን ጊዜ በተስፋ የሚጠብቁ ብዙ ነበሩ። በሚቀጥሉት ሦስት ዓመታት እየተሻሻሉ የመጡት የፕሬስ፣ የመደራጀት፣ የመሰብሰብ እና የመናገር ጥበቃ ይህን ተስፋ አጠናከረው። አቶ መለስ በምዕራብ አገር ከተሞች እየዞሩ “ዲሞክራሲን አሰፍናለሁ፣ ኢኮኖሚን አሳድጋለሁ፣ ሲቪል ሶሳይቲ እንዲሰራፋ አደርጋለሁ፤ የሚሰጠኝ ብድር እና ርዳታ እጥፍ ይደረግልኝ” እያሉ ሲወተዉቱ ነበር። በመሬት ላይ መሻሻሎች እየታዩ ስለነበረ ጥያቄ እና ጥርጣሬ አልተነሳባቸውም። ይህ አድቮኬሲ በኢትዮ-ኤርትራ ጦርነት አጥተውት የነበረው ክብር መልሶ አስገኘላቸው፤ የብሌየር ኮሚሽን ዋነኛ አባል እንዲኾኑም አደረጋቸው። እነዚህ ለውጦች እያደጉ ሄደው ምርጫ 97ን ወለዱ።

ብርቱካን ሚደቅሳ በ32 ዓመታቸው የአገሪቱ ዋነኛ ተቃዋሚ ፓርቲ ተቀዳሚ ፕሬዝዳንት ሲኾኑ ከመጪዎቹ ዘጠኝ ዓመታት መካከል አራቱን በእስር ቤት፤ ሦስቱን ደግሞ በስደት ያሳልፋሉ ብሎ የጠበቀ አልነበረም። በምርጫው ምክንያት የተነሳው ውዝግብ ጦዞ ብርቱካን እና ሌሎች የተቃዋሚ ፓርቲ መሪዎች ዘብጥያ የወረዱት፣ የኢትዮጵያ የፖለቲካ ምህዳር በፍጥነት እየጠበበ የመጣው እና ጥበቃቸው የተሻሻለ ይመስል የነበረው መብቶች የተቀለበሱት፣ እርሳቸው የልደት በዐላቸውን ባከበሩ በስድስተኛ ወሩ ነበር። በዚህ ሳምንት ወይዘሪት ብርቱካን ልደታቸውን ያከበሩት በስደት ነው፣ ከእስር ፋታ ሲያገኙ የፈጠሩት ፓርቲ ከመንግሥት በደረሰበት ጥቃት እና በውስጥ ችግር ምክንያት ተዳክሟል። እርሳቸው ወደ ፖለቲካ ሲመጡ የነበረው የዴሞክራሲ ተስፋ ጨልሟል።

በዲሞክራሲያዊ አገሮች እንደ ብርቱካን ያሉ በወጣትነታቸው ብዙ የተጓዙ እና ብሔራዊ ትኩረትን ያገኙ ፖለቲከኞች 41 ዓመት ሲኾናቸው ከተሞክሯቸው ተምረው፣ የአመራር ብቃታቸውን አሻሽለው፣ የአይዲዮሎጂ እና የፖሊሲ ግንዛቤያቸውን አዳብረው የሞያቸው ጫፍ ላይ ይደርሳሉ ተብሎ ይጠበቃል። አምባገነን ሥርዐት ግን በራሱ ቡድን ውስጥ ለሌሉ ወጣቶች እንዲህ ያለውን ዕድል አይሰጥም። ወይዘሪት ብርቱካን 41ኛ ዓመት የልደት በዐላቸውን ሲያከብሩ በኢትዮጵያ ፖለቲካ ብዙ አስተዋጽዖ ማድረግ እየቻሉ በጡንቻ ከመድረኩ እንዲገለሉ የተደረጉ ወጣቶችን እናስባለን፤ ለወይዘሪት ብርቱካን ደግሞ ረዥም ዕድሜ እንመኛለን።

የሰሜን ጎንደር ሕዝብ አመጽ በርትቷል * በድንበር ከተሞች አሁንም ችግሩ እየሰፋ ነው

metema 2
ምንሊክ ሳልሳዊ

የብአዴን ከፍተኛ አመራሮች እና ካድሬዎቻቸው በሕወሓት ማእከላዊ ኮሚቴ ተወካዮች መሪነት በባህር ዳር ስብሰባ መቀመጣቸው በታወቀበት በዚህ ሳምንት በአማራ ክልል ውስጥ በከፍተኛ ደረጃ ሕዝባዊ እምቢተኝነት መከሰቱን እና የፌዴራል ፖሊሶች ከሕዝቡ ጋር እየተጋጩ መሆኑ ሲጠቆም በጎጃም ገበሬው በብጡ ደጃፍ እና በቤቱ ውስጥ የእያኔን የምርጫ መወዳደሪያ ምልክት እንዲለጥፍ እየትገደደ እና እምቢ ያለ በመታሰር ላይ መሆኑን ምንጮች ጠቁመዋል::

ሕወሓቶች በሚመሩት እና በባህር ዳር እየተካሄደ ያለው የብአዴን ስብሰባ ላይ ከምርጫው ጋር ተያይዞ የሚመጥውን ችግር እና ሕዝቡ ሊመርጠን ስለማይችል በድምጽ መስጫ ካርዶች ዙሪያ መወሰድ ስላለባቸው እርምጃዎች እንዲሁም ትጥቅ ያልፈቱ መሳሪያ የቀበሩ ሰዎች ካሉ አስቸኳይ ክትትል ተደርጎ እርምጃ እንዲወሰድ የሚሸፍቱ ሰዎች የሚተረጠሩ ካሉ እንዲታሰሩ የሚሉ ተመሳሳይ ጉዳዮች ላይ ውይይት የተደረገ ሲሆን ከትግራይ ክልል አማራ አዋሳኝ በሆኑ ቦታዎች ያሉ የሕወሓት ሚሊሻዎች እና ካድሬዎች ወደ አማራ ክልል በማምጣት ድምጽ ሰጥተው እደ አከባቢያቸው እንዲመለሱ እንዲሁም በተለያየ ወረዳ የተለያያ የመራጭ ካርድ ዬሰዱ ሰዎች አስቸኳይ የትራንስፖርት አቅርቦት እየተደረገላቸው በየወረዳው እየሄዱ እንዲመርጡ ሲባል ከምርጫው በኋላ ሊነሱ የሚችሉ የአመጽ ስጋቶችን ለመቆጣጠር የመከላከያ ሰራዊት አባላይ የፌዴራል ፖሊስ ልብሶችን በመልበስ ተክተው እንደሚሰሩ እና ካድሬዎች እና የጸጥታ ሰራተኞች አስፈላጊዉን ትብብር በማድረግ የሚፈጠረው ችግር በቁጥጥር ስር እንዲውል እንዲያደርጉ ከሕወሓት ሹሞች መመሪያ ተሰቷቸዋል::

በሰሜን ጎንደር የላይ እና የታች አርማጮ ጨምሮ በአብድራፊ በሁመራ በመተማ በሸዲ በጭልጋ አክባቢዎች በከፍተኛ ደረጃ ሕዝቡ እና የወያኔ ፖሊሶች ውጊያ የገጠሙ ሲሆን በርካቶች ሲቆስሉ በአከባቢው የተነሳው የህዝብ እምቢተኝነት እየሰፋ መምጣቱን እና ጥያቄዎች ምላሽ አለማግኘታቸው ሲከፋ የመኖሪያ ቤታችውን በማፍረስ ሕዝቡን ለጎዳና ተዳዳሪነት መዳረጉ በመተማ እና አከባቢው የሚኖሩ ሕዝቦችን ቁጣ ቀስቅሶ እስከ ዛሬ ድረስ ሊበርድ ያልቻለ ከፍተኛ ግጭት በአከባቢው እየተደረገ እንደሆነ የአከባቢው ነዋሪዎች ይናገራሉ::በአጠገባችን መጥቶ የሚያግዘን ማጣታችን ነው እንጂ ወያኔን ከጎንደር ክፍለሃገር ጠራርገን እናወጣው ነበር ያሉ ወጣቶች ባለው ስርአት መማረራቸውን በቁጣ ይናገራሉ::ይህ በእንዲህ እንዳለ በጎጃም ክፍለሃገር የሚኖሩ ገበሬዎች የወያኔን የምርጫ መወዳደሪያ ምልክት በቤታቸው እስጥ እና በቤታቸው ደጃፍ ላይ በግዳጅ እንዲለጥፉ የተደረገ ሲሆን ለመለጠፍ ፍቃደኛ ያልሆኑ ገበሬዎች በመታሰር ላይ እንደሚገኙ አንድ የደብረማርቆስ ወጣት በላከው መረጃ ገልጿል:: ሕዝቡ አስተባባሪ እና አደራጅ ነው ያጣው ቢባልም በራሱ መሪነት ብሶቱን እየገነፈለ እየወታ የሚገኘው ሕዝብ ለነጻነቱ በጋራ ሆኖ መታገሉን እንደቀጠለ ነው::

ሰመጉ ጥቃት እየደረሰበት መሆኑን አስታወቀ

 
Semguኢሳት ዜና :-የቀድሞው የኢትዮጵያ ሰብአዊ መብቶች ጉባኤ ( ኢሰመጉ) የአሁኑ ሰመጉ ሚያዚያ 26 ቀን 2007 ዓም ባወጣው መግለጫ በአዋሳና አዲስ አበባ በሚገኙ የድርጅቱ ፅህፈት ቤቶች ላይ ጉዳት እንደደረሰበትአስታውቋል።

መንግስት በተለያዩ ወቅቶች ላይ በድርጅቱ ላይ አፍራሽ ስራዎችን ሲሰራ መቆየቱን የጠቀሰው ሰመጉ፣ ሚያዚያ 24 ቀን 2004ዓም የሰመጉ የሃዋሳ ቅርንጫፍ ጽ/ቤት ቢሮ በስራ ቀን ከጠዋቱ 4 ሰአት ላይ ተደፍሯል። ሰመጉ የጽ/ቤቱን የጠረጴዛ መሳቢያዎች ገንጥሎ

ሰነዶችን ሲበረብር እጅ ከፍንጅ የተያዘ ግለሰብ ለፖሊስ ተላልፎ ቢሰጥም፣ የክስ ሂደቱ በመታየት ላይ እያለ ግለሰቡ በዋስ ተለቋል በሚል ከአካባቢው እንዲሰወር ተደርጓል ብሎአል።

መጋቢት 21 ቀን 2007 ዓም የሃዋሳ ሰመጉ ቅርንጫፍ ጽ/ቤት ቢሮ ግልጽ ባልሆነ መንገድ በሩ ተከፍቶ ተገኝቷል የሚለው መግለጫው፣ በውስጡ የሚገኙት የመዛግብትና የልዩ ልዩ እቃዎች መስቀመጫ ቁምሳጥኖችና የቢሮው ጠረጴዛ መሳቢያዎች ተሰብረዋል።

ብዛት ያላቸው የድርጅቱ መዝገቦችና የሂሳብ ሰነዶችም በስርአት ተቀምጠው ከነበሩበት ስፍራ ተነስተው በጠረጴዛውና በወለሉ ላይ ተበታትነው ተገኝተዋል። የድርጅቱ ማህተም ከተቀመጠበት ቦታ ተንስቶ ሌላ ስፍራ በመገኘቱ፣ ማህተሙ ለህገወጥ ተግባር ውሎ ይሆናል

የሚል ከፍተኛ ጥርጣሬና ስጋት ማሳደሩን የሰብአዊ መብት ተማጓቹ ድርጅት ጠቅሷል። ጉዳዩን የያዘው ፖሊስ ውጤቱን እስካሁን ለሰመጉ አላመለከተም።

መጋቢት 24 ደግሞ ከቀኑ 11 ሰአት አካባቢ አዲስ አበባ በሚገኘው የሰመጉ ዋና ጽ/ቤት የመኪና ማቆሚያ ስፍራ ላይ በነበረ የሰመጉ መኪና ላይ ከፎቅ ላይ ወደቀ የተባለ እቃ ጉዳት እንዳደረሰበት ገልጿል። ጉዳዩን ለፖሊስ ቢያመለክትም ምንም መልስ ሊያገኝ

አለመቻሉንም ገልጿል።

መንግስት በሃገሪቱ ውስጥ የሚካሄዱ ሰብአዊ መብቶችን የማስከበር እንቅስቃሴዎችን በአሉታዊ መንገድ መመልከቱ፣ እንቅስቃሴዎችንም በተለያዩ መንገድ ማዳከሙ እና ጭራሹ አፋኝ ህጎችን በማውታት የማጥፋት ሙከራ ማድረጉ ህጋዊና ጠቃሚ አሰራር አለመሆኑን

በተለያዬ ጊዜያት መግለጹን ድርጅቱ ጠቅሷል።

መንግስት የሰብአዊ መብት ተሟጋች አባሎቻቸውንና ሰራተኞቻቸውን ደህንነት የመጠበቅና የማስጠበቅ ግዴታውን እንዲወጣ ሰመጉ ጠይቋል።

ብቸኛው የሰብአዊ መብት ተቆርቋሪ ድርጅት፣ በመላው አገሪቱ የነበረውን ጥንካሬ በገዥው ፓርቲ ተጽእኖዎች እንዲያጣ ተደርጓል። ድርጅቱ ላለፉት 24 አመታት የሰብአዊ መብት ጥሰቶችን ሲያጋለጥ መቆየቱ ከገዢው ፓርቲ ጋር እንዲላተም አድርጎታል። በአሁኑ ጊዜ

አብዛኞቹን የክልል ጽ/ቤቶች በገንዘብ እጥረት ምክንያት እንዲዘጋ በመደረጉ ፣ በፊት እንደሚያከናውነው ተከታታይ መግለጫውን ሲያወጣ አይታይም። ይሁን እንጅ በተወሰኑ ወራት የሚያወጣቸው መግለጫዎች አሁንም ገዢውን ፓርቲ እያስቆጡት መሆኑን ዘጋቢያችን ገልጿል።